Ngjitet në skenën e Teatrit Kombëtar monodrama “Mbroni Shpellarin“

Ngjitet nesër në skenën e Teatrit Kombëtar monodrama e autorit amerikan Rom Beker “Mbroni Shpellarin“. Vepra përcjell mesazhe të qarta edhe për shoqërinë shqiptare. Version multimedial i ketij lajmi

TIRANE- Me 7 dhe 8 mars, ngjitet në skenën e Teatrit Kombëtarë monodrama “Mbroni Shpellarin” e autorit amerikan Rom Becker. Regjisori i shfaqes Pirro Duni, i cili ngjit në skenën e Teatrit Kombëtarë pjesën do të interpretojë vetë në të sëbashku me muzikantin Gent Rrushi. Sipas Dunit, komedia përcjell mesazhin e qartë për zhdukjen e diferencave mes bashkëshortëve.
“Mbroni Shpellarin” është një përzgjedhje e komedisë, letërsisë dhe terapisë psikologjike që përpiqet të zgjidhë luftën midis gjinive. Pjesa anon më shumë nga ana e grave, por njëkohësisht nuk e humbet simpatinë ndaj meshkujve.
Komedia është shkruar në vitin 2000 që prej asaj kohe është vënë në shumë skena të botës. Aktori dhe në këtë rast autori Becker, e përcakton veprën si një vend që tregon se edhe meshkujt kanë emocione, por i shprehin ndryshe. Skenografia dhe kostumet e versionit shqiptarë janë realizuar nga Fatbardh Marku.