“Kostandini dhe Doruntina” vepra e Kadaresë, ngjitet nesër në Teatrin kombëtar

Ngjitet nesër në skenën e Teatrit Kombëtar një prej legjendave më të mëdha të shqipes “Konstandini dhe Doruntina”. Vepra e Kadaresë është vënë në skenë nga në jregjisor grek dhe do të udhëtojë në 5 shtete ballkanike. Version multimedial i ketij lajmi

TIRANE- Ngjitet nesër në skenën e Teatrit Kombëtar një prej legjendave më të mëdha të shqipes “Konstandini dhe Doruntina”. Vepra e Ismail Kadaresë është vënë në skenë nga regjisori grek, Sotiri Hatzakis dhe nën interpretimin e aktorëve të njohur, shfaqja do të udhëtojë në 5 shtete ballkanike.
Regjisori grek theksoi se puna për realizimin e kësaj e shfaqjeje ka filluar 15 vjet, ndërsa “ngjitja në skenë e shfaqjes ndërballkanike ka në vetvete synimin për të sjellë idenë se të gjithë popujt e ballkanit kanë një të ardhme të përbashkët në të cilën duhet bashkjetojnë në mënyrë paqësore”.
Aktorja Margarita Xhepa, e cila interpreton rolin e nënës në këtë shfaqe u shpreh gjatë konferencës prezantuese të veprës, se pjesëmarrja e saj ishte një surprizë shumë e bukur.
“ Ishte një surprizë shumë e bukur për mua të merrja pjesë në këtë shfaqje, të cilën regjisori e mori nga thellësia e shekujve dhe e solli në një variant modern, njerëzor dhe paqësor” tha Xhepa.