Kenge Tradicionale Polifonike te Jugut (Labe)

O përkarshi detit të kaltër
Ndenja të shplodhem njëçikë
Ti je si një zog i shkathët
xixa ç'më lëshuan sitë

O në të marça moj Manushaqe
S'dua doktore ilaçe
O mos u nxit o zog i shkathët
bregu është moj vend i ashpër

O më të çelur të bajames
dola anës detit shkova
shkova vola moj Manushaqe
dora mu mbush me limona

O në të marça moj Manushaqe
S'dua doktore ilaçe
O mos u nxit o zog i shkathët
bregu është moj vend i ashpër

O dalëngadalë u ngroh moti
morra rrushin e keputa
hardhia me pika loti
ti ma rrëmbeve nga futa

O në të marça moj Manushaqe
S'dua doktore ilaçe
O mos u nxit o zog i shkathët
bregu është moj vend i ashpër

O shkumët tallazi fustanit
shkon e vjen ti nga bregu
si uji që del nga zalli
paja jote moj të shkëlqeu

O në të marça moj Manushaqe
S'dua doktore ilaçe
O mos u nxit o zog i shkathët
bregu është moj vend i ashpër

O edhe rrushi që të piqet
kërkon një behar të tërë
pa dhe dy zemra që lidhen
duan një vit e ca hënë

O në të marça moj Manushaqe
S'dua doktore ilaçe
O mos u nxit o zog i shkathët
bregu është moj vend i ashpër

Kurveleshi mal mbi male
ç'tregon për ty historia
Për ato vite me zjarrë
Ku gjëmonte Labëria

Hidhëshine flakë të gjithë
Djemtë e tu zemër stëralli
Se kishin lindur me pallë
Dhe i donte zotë vatani

Sa herë e skuqi Shushicën
Gjaku i trimave të shquar
Djemtë tokën vaditën
Se ish djegë e përvëluar

Nënat labe kur dëgjuan
Se djemtë e tyre u vranë
Muar armët edhe duall
Shtigjeve me partizanë

Kuvelesh shkëmb e brinjë
Kurvelesh o gurë i thatë
Ti ke qenë e je në këmbë
Më këmbë si malet e lartë


N,Asllani:Bolene Vlore.Poet
Shkruajtur ne Qershor 1985

Nepërk e larme s'më thua
ç'ke që shkon e s'felt me mua
kur mer udhën për në krua
vij pas nazeve të tua

Nepërk e larme në thier
më del që pa rënë diell
më del dielli pa rënë
si hallet që më kanë zënë

Halli që më zuri mua
ardhtë në hallet e tua
në buzët e tua ardhtë
mua me vete më martë

Moj nepërka gushlarike
ti që di e del në shtigje
që të flas e s'më përgjigje
o nuse o të bëj mike

Dola në gërxhe e në majë
sillohiseshe e po qajë

Aman sillohiseshe edhe po qajë
një maraz do të më hajë

Aman një maraz do të më hajë
moj marazi që më hëngri

Moj marazi që më hëngri
Bejkë e derdhura nga vëndi

Bejkë e derdhura nga vëndi
nga balta që del ergjëndi

Nga balta qe del floriri
moj me prishe nga fiqiri

Shekulli që mundi hallet
ishte shekulli 20'të
zbuti plagët ndriti varret
ndërtoi ura mbi det

Gjaku bërë fushsa dhe male
Kosova në gjak u tretë
heronj u mbollën livadhet
për atdhenë luftuan djemtë

Në përleshje në koshare
në Kosovën rreth e rreth
në Drenicën legjendare
ç'do shtëpi u bë fortesë

Djalëria Kosovare
doli sheshit si rrebesh
shkjaut me ushtrinë barabre
i theu hundet në Bjeshkë

Kosova djemve tu falet
u bënë roje ditë e netë
u qëndron pranë lapidarëve
i ruan për amanetë

Varg e varg në mend më vijnë
haje vargë e vargë
ne mend më vijne
trimat e o Dukatit të lirë
trimat oooooooo
trimat e o Dukatit të lirë
s'njohën vargonj e zhinxhirë

Që nga të lashtët Ilirë
haje vargë e vargë
ne mend më vijne
trimat e o Dukatit të lirë
trimat oooooooo
trimat e o Dukatit të lirë
s'njohën vargonj e zhinxhirë

S'njohën vargonjë e zhinxhir
haje vargë e vargë
në mend më vijne
trimat oooooooo
trimat e o Dukatit të lirë
s'njohën vargonj e zhinxhirë

Për këtë tokë ranë martirë
haje vargë e vargë
në mend më vijne
trimat oooooooo
trimat e o Dukatit të lirë
s'njohën vargonj e zhinxhirë

Në pellgje të gjakut shtrirë
haje vargë e vargë
ne mend më vijne
trimat oooooooo
trimat e o Dukatit të lirë
s'njohën vargonj e zhinxhirë

Të parë kanë Hodo Zeqirë
haje vargë e vargë
ne mend më vijne
trimat oooooooo
trimat e o Dukatit të lirë
s'njohën vargonj e zhinxhirë