Kukës gjenden të ekzekutuar në postobllok dy punonjës policie

Një ngjarje e rëndë ka ndodhur mbrëmjen e sotme në një postbllok në fshatin Shëmri të Kukësit. Dy efektiva policie janë gjetur të vrarë nga kolegët e tyre. Për shkak të kësaj ngjarje të rëndë është nisur drejt Kukësit edhe kreu i policisë së shtetit Ahmet Premçi. Ndërkohë është identifikuar autori i kësaj vrasjeje të dyfishtë dhe policia është vënë në kërkim të tij.

KUKES- Dy punonjës policie janë ekzekutuar me armë zjarri në fshatin Shemri të Kukësit. Ngjarja ka ndodhur përpara pak minutash në një postbllok, ku policët ishin duke kryer detyrën e tyre si polic rrugorë. Ata janë gjetur të vrarë nga kolegët e tyre, ndërkohë që është identifikuar vrasësi, i cili tashmë është në kërkim nga policia.
Mësohet se forca policie nga Tirana dhe vetë drejtori i përgjithshëm, Ahmet Prenci është nisur drejt vendngjarjes. Policët e vrarë janë Shkëlzen Dobrushi dhe Ramadan Hila. Ndërkohë policia ka bërë të mundur identifikimin e autorit të vrasjes së dyfishtë, ai është Afrim Hasani.